• Монгол хэл
  • English
  • Русский

 Нэвтрэх

Бүртгүүлэх

ХОЙШ ТАВИХ МУУ ЗУРШИЛ УУ? ЭСВЭЛ ӨВЧИН ҮҮ?

21.08.2017 - 25.08.2017

Онлайн сургалт

Та төлөвлөж бодсон ажлаа чухлыг нь мэдсээр байж ХОЙШ ТАВИХ гээд - ХОЙШЛУУЛАХ гээд байдаг уу?

За ёстой яааг ирэх Даваа гаригаас эхэлье ?

За за цагаан сарын дараа л болъё ?

Англи хэлээ л сайжруулахгүй бол явахгүй нь хамгийн сайн курс чинь юу билээ?

Эксперт

Update and Upgrade project

Сэтгэл зүй, хувь хүний хөгжлийн хэсэг

0 $

x

x

x

 Та төлөвлөж бодсон ажлаа  чухлыг нь мэдсээр байж ХОЙШ ТАВИХ гээд – ХОЙШЛУУЛАХ гээд байдаг уу?

За ёстой яааг ирэх Даваа гаригаас эхэлье ?

За за цагаан сарын дараа л болъё ?

Англи хэлээ л сайжруулахгүй бол явахгүй нь хамгийн сайн курс чинь юу билээ?

 / Энд та хайж олоод бүр заримдаа мөнгөө төлөөд явж эхэлнэ тэгээд ганц 2 даалгавар хийхгүй дараа нь хүндэтгэлтэй бус шалтгаанаар ганц 2 тасална, тэгээд таны толгойд үлдсэн төлбөртөө дараа сууж болдог болов уу, эсвэл өөр хүн суулгаж болох юм болов уу гэх бодол эргэлдэж англи хэлээ сайжруулах бодлоосоо сэм зугтдаг /

Биеийн жин ер нь хэцүүдлээ, дэглэм барьж дасгал хийж эхэлье, өө удахгүй төрсөн өдөр, бас байгууллагын ой… За за тэрний дараа л болъё.

Нөхөр нэг л өөр хачин байх чинь … Яг юу болоод байгаа талаар ярилцъя…….. За за хэсэг харзная гайгүй болчих байлгүй.

Ажлаа солих юм сан, арай сонирхолтой, арай өндөр цалинтай юм олж хийхгүй бол болохооргүй байдаг, за за аятайхан юм олдтол байж л байя.

Орчноо өөрчилж аятайхан хүмүүсийн дунд орох юмсан, за за машин тэргээ сольж байж л болъё……..

                       Энэ юу вэ залхуу юу ? Арчаагүй байдал уу ? Хулчгар зан уу? Хариуцлагагүй явдал уу?

АЛЬ НЬ Ч БИШ.

Энэ бол ХҮНД НЕВРОЗ.

Өөрөөр хэлвэл ӨВЧИН түүнд ПРОКРАСТИНАЦИ буюу ХАЛГАХ – хойш тавих СИНДРОМ гэх гэм зэмгүй алдрыг хайрласан. Тиймээс хойш нь тавьсан, цагт нь амжуулаагүй, дуусгаагүй хаясан, өнөөдрийг хүртэл шийдвэртэй арга хэмжээ аваагүй, толгойдоо өлгөөтэй байгаа бүхний төлөө өөрийгөө бүү буруутга ингээд нэмэргүй ?

Аливаа өвчин эмгэг өөр өөрийн этиологи буюу шалтгаантай байдаг.Хоолойны ангины шалтгаан стрептококкийн эсвэл бусад нян бактерийн халдвар байдаг. Оновчтой үр дүнтэй эмчилгээ хийхийн тулд уг нь ямар антибиотикт мэдрэг яг ямар нянгаар үүсгэгдсэнийг тодорхойлоод л эмчлэхэд хангалттай, АНГИН БАЯРТАЙ.

Тэгвэл прокрастинацийн шалтгааныг та юу гэж бодож байна ?

Эндээс эхэл.

Төлөвлөсөн чухал ажлаа барьж аваад эхлэхийн өмнө и-мейлээ шалгана, замд нь  интернет дэх  хэрэгтэй хэрэггүй юм уншиж байгаад  нэлээд цагаа гүйлгэж орхино.

Тэгээд нөгөө ажлаа шууд хийгээд эхлэхийн оронд цай кофе уугаадхая, тамхилаадхая,  эхнэр рүүгээ нэг залгаадхая, ээжийн даралтыг нэг асуугаадхая.,

Ажлынхаа хэнтэй өчигдрийн лиг ямар уйтгартай байсныг ярих зэргээр хамаг цагаа бүтээлгүй үрж орхиод за за өнөөдөр ч оройтчихлоо, маргаа ш л эртхэн эхэлье гээд бүрэн хойшлуулна. Тэгээд орой нь таныг утгагүй, үр дүнгүй өнгөрөөсөн бүхэл бүтэн өдрийн талаар харамсалтай бас гэмшилтэй мэдрэмж эзэмдэж та  яг яасан нь ойлгомжгүй дүнсийж, ядарч байгаа байдлынхаа учир шалтгааныг ухахгүй цааш үргэлжилнэ.

Эрх бүхий байгууллага, албан тушаалтантай очиж уулзаад,тулж харьцаад асуудлаа шийдүүлэхийн оронд за байз байгаа болов уу, үгүй болов уу, утсаар ярьснаас шууд яваад очдог юм билүү ? Очихоор аягүй байхгүй ээ, за за ер нь утасдахийг нь хүлээе эсвэл таньдаг хүний нь олъё…………

Та цааш нь өөрөө үргэлжлүүл

Иймэрхүү маягаар аливаа ажил, зорилго, төлөвлөгөөндөө хандсаар жижиг дунд зорилтууд бөөгнөрч, танд ашиггүй эсвэл таны хүлээлтээс хамаагүй доогуур шийдвэрүүд гарч байдал бүр дордож таны невроз хүндэрнэ.    

Та  том чухал зорилт төлөвлөгөөнүүд цөөрч, хойшлуулалтын диапазон ихсэж за шинэ оноос, мартын дараа, хүүхдийн амралт эхлэхээр …. Эхэлье гэх зэргээр том томоор хойшлуулна

Таныг цээжийг гэрэлтүүлж байсан сая долларын бизнес санаа тэнгэрт нисч буй шувуу  хэвээр байж хойшлогдсоор хэн нэгэн түүнийг чинь аль хэдийн барьж аваад хийж орхино.  

Одоо танд юу бодогдож байна вэ?

ХЭРВЭЭ ЭНЭ БҮХЭН ӨВЧНИЙ ШИНЖ ТЭМДЭГ ЮМ БОЛ ХҮН БҮХЭН ӨВЧТЭЙ ЮМ БИШ ҮҮ ?

Харамсалтай нь тийм? Ихэнх хүмүүст энэ өвчин байгаа, гэхдээ эмчлэхгүй удаан явбал энэ нь биологийн болоод сэтгэцийн эрүүл мэндэд бодитой хор хөнөөлийг учруулж ДЕПРЕСС болж хүндэрдэг.

Депрессийг сэтгэл зүйд ӨӨРӨӨ ӨӨРИЙГӨӨ МӨХӨӨХ ХӨТӨЛБӨР ГЭЖ ҮЗЭЭД ЯАРАЛТАЙ АРГА ХЭМЖЭЭ АВАХЫГ ШААРДДАГ.

Прокрастинацийн хамгийн үндсэн шалтгаан бол архаг АЙДАС, өөрийгөө шулуухан, зоригтой гэж үздэг, тэгж магтуулах дуртай хүмүүст АЙДАС бүр илүү их байдаг, так что яарах хэрэггүй цааш явж учрыг нь олж хужрыг нь тунгаая.

Өөртөө байгаа айдсыг  илрүүлэн илчилье.

Юуны өмнө: танд баярлалаа гэж хэлэх хэрэгтэй.

“Халгах синдром” хэмээх  тодотголтой энэ өвчин  таныг ээрч хоргоогоод зогсохгүй таныг удирдан жолоодох болсныг өрөө өөртөө үнэнч байж, эр зориг гарган хүлээн зөвшөөрсөнд талархъя.

Их байна уу бага  байна уу ялгаагүй. Та өөрөө үүнийгээ хүлээн зөвшөөрч байгаа нь  үнэт зүйл.

            Энэ өвчинг өөртөө байна гэдгийг ухаж мэдээд, хүлээн зөвшөөрснөөр  уг өвчний хүч чадлын тал хувийг үгүй хийж чадлаа гэсэн үг.

Энэ юу гэсэн үг вэ гэвэл та халгах / хойш тавих / синдром өвчнийг бүр мөсөн ялан дийлж эдгэрэх замын эхэнд гарч зогслоо  гэсэн үг юм. Түүнээс бүрэн ангижран эдгэрч болно. Гэвч хүн болгон ингэж чадахгүй.

Зөвхөн тан шиг – өрөөлөөс алдаагаа эрдэггүй, бусдыг буруутайд тооцдоггүй, өөрийнхөө амьдралд тохиолдсон бүхнийг, өөрөө хариуцан хүлээх агуу том суурь хүмүүжилтэй, үнэ цэнэтэй хүмүүс л түүнийг ялж чаддаг.

Чухам та өөртөө хариуцлага хүлээж чадсан учраас –та ялах чадвартай бөгөөд- хэрэв ингэж чадаагүй, үнэн рүүгээ эгц харах зүрх зориг тань хүрээгүй бол таны хүсэл эрмэлзэлд та биш таны халгах синдром л хожиж, та өөрийнхөө бодит боломжоос зуу зуу дахин доогуур амьдралаар сажилсаар чөлөө учралт гэж нэрлэдэг хүмүүн заяагаа үрээд дуусна.

Эдгэрэлтийн  явцдаа та дараах зүйлийг мэдрэх л болно.

  • Өдөр тутам удирдагддаг сөрөг програмчлалаасаа ангижирна:
  • Өөртөө ашиггүйгээр бусдад ашиглагдахаа бүрэн болино:
  • Өөрийн хүч чадалдаа эргэлзэлгүйгээр өөртөө, “За” гэх хэлж сурах:
  • Өөрийгөө хэмждэг үнэлэмж чинь эрс дээшилж урьд нь хэрэглэдэггүй байсан нөөцүүдээ хэрэглэж эхэлнэ:
  • Өөртөө илүү итгэлтэй болж хүсэл бодлын чинь хил хязгаар тэлэгдэж амбиц нэмэгдэнэ:
  • Дотоод хүч чадалтайгаа холбогдож түүнийхээ хүчин чадлыг мэдэрнэ:
  • Бусдын шүүмжлэлд бухимдаж бус бүтээлч хандах хандлага хэвшинэ:
  • Болхи алдаа дутагдал гаргалгүй зөв шийдвэр шийдлийг хялбархан олж сурна:
  • Ингэхийн тулд Халгах синдромын шалтгааныг илрүүлж мэдээд түүнээс ангижрах тусгай арга техникийг та эзэмших шаардлагатай болно.

Амжилт –зөвхөн– таны өөртөө хандах шударга хандлагаас шалтгаална.

Та одоо хэн байгаа,  хаах нь байгаа нь чухал биш.

Тэгвэл шууд л ажилдаа оръё.

Таны халгах синдромын үүсэх хөгжих механизмыг илчлэн илрүүлье.

Та Яагаад Ажлыг Маргааш гэж Хойш тавьдгаа Мэдэх үү?

Яагаад?

Маш анхааралтай төвлөрч хар

Ингэвэл та таны халгах синдром, таны төлөвлөсөн ажилд саад болохын тулд  ямар хөшүүрэг хэрэглэж,  таны ямар сул талуудыг ашиглаж байгааг мэдэх болно.

Эхлээд юуны өмнө дараах зүйлийг ягштал сайн ухамсарлах хэрэгтэй:

Халгах синдром– бол ямар ч муу дадал зуршил, дутагдалтай зан чанар БИШ.
Энэ бол өнгөц харахад …гэмгүй , зүгээр л хийхээр төлөвлөсөн ажлаа хойшлуулж байдаг дадал хэвшлийн багананы ард чадварлаг нуугдсан  маш аюултай невроз юм.

Халгах синдромын  хурим найрыг хөгжөөн бадраах таван үндсэн шалтгааныг олж тогтоожээ.

Шалтгаан 1:Айдас

Шалтгаан 2: Үйл ажиллагааны үр дүнгийн бага үнэлэмж

Шалтгаан 3: Перфекционизм

Шалтгаан 4: Зөрчилтэй бодол санаа

Шалтгаан 5: Цаг хугацааны түр сааталд хэт мэдрэмтгий байх

Эдгээр шалтгаануудын нэг бүрчлэн авч үзье, тэгээд та эдгээрээс аль нь таны прокрастинацийг үүсгэн буй болгоод тэжээн тэтгээд одоо өдөр ирэх тусам улам гүнзгийрүүлж байгааг нь харьцуулан үзээрэй.

АЙДАС

Бүх төрөл зүйлүүдийн айдсыг ерөнхийд нь 3 түвшинд  авч үзэж болох юм.

1-р түвшиний айдас

Энэ түвшин өнгөц гадаргуун дээр байрлаж байдаг учир та тэдгээрийг амархан мэдэж авч чадна. Энэ түвшингийн айдас хоёр төрөл байдаг:

  • Үйл хөдлөлөөс айх
  • Болзошгүй эсвэл болох нь гарцаагүй үйл явдлаас айх
Үйл хөдлөлөөс айх

o   Шинэ зүйлд суралцахаас айх

o   Шийдвэр гаргахаас айх                          

o   Үерхэл нөхөрлөлөөс айх                   

o   Харилцаагаа таслахаас айх

o   Эмчээс айх

o   Өөрийн үзэл бодлоо хамгаалахаас айх

o   Хоолны дэглэм барихаас айх

o   Харилцан ярилцахаас айх

o   Жолоо барихаас айх

o   Олны өмнө үг хэлэхээс айх

o   Алдаа гаргахаас айх

o   Эсрэг хүйстэнтэйгээ ойртохоос айх

 

 
Болж болох эсвэл болох ёстой үйл явдлаас айх

o   Хөгшрөхөөс айх

o   Хөдөлмөрийн чадвараа алдахаас айх

o   Тэтгэвэрт гарахаас айх              

o   Ганцаардлаас айх

o   Бие даахаас айх

o   Хүүхдүүд өсөж томрохоос айх     

o   Байгалийн гамшгаас айх

o   Ядуурахаас айх

o   Өөрчлөлтөөс айх

o   Үхэхээс айх

o   Дайн байлдаанаас айх

o   Аюулт өвчин эмгэгээс айх

o   Хайртай хүнээ алдахаас айх

o   Золгүй тохиолдлоос айх

o   Хүчирхийллээс айх

 Та өөрөө энэ 2 жагсаалтыг нэмж үргэлжлүүлж болно.

Та чухам юунаас нь айж байгаагаа үргэлжлүүлэн бодож болно. Тэдгээрийг олж аваад үгээр илэрхийлэхэд л та тэдгээрийг эрч хүчтэйг мэдэгдэхүйц багасгаж чадна. Айдас зөвхөн ухамсарлагдаагүй байх үедээ хүчтэй байдаг. Ухамсарлагдсан айдас хүчтэй байхаа больж – удирдуулах боломжтой болоод, тэжээвэр амьтан шиг номхордог. Аан, би чин ер нь …-ээс л айгаад байдаг юм байна ш д гэж сэрэх мөчид таны дотор хамаагүй уужирна. Ялангуя эрчүүд… Айдас түүний хор уршгийн тухай нээлттэй сургалт семинаар ярихгүй байхыг хичээдэг, айдсаа өөрөө мэдэхээс өмнө бусдад мэдэгдүүлэхээс бүр их айдаг. Үүнийг ч бас ойлгуулж тайлбарлана.

Тэгвэл энэхүү үр ашигтай эмчилгээг одоо шууд хийе:

  • Эдгээр жагсаалтуудаас чамд байгаа айдсыг хуулж бичиж ав
  • Тэгээд,танд байгаа боловч жагсаалтад ороогүй (үйл хөдлөл болон боломжит нөхцөл байдлуудын) айдсуудыг үгээр илэрхийлэн бичиж ав.

 Дараа нь цааш явъя.

 2-р түвшиний айдас

Энэ түвшиний айдас 1 –р түвшиний айдсаас үндсээрээ ялгаатай бөгөөд учир нь тэрээр таны эго-г шууд хөндөж байдаг.

 

o   Зэмлэл ялаас айх

o   Амжилтаас айх

o   Мэхлэгдэхээс айх

o   Ялагдахаас айх

o   Алдаа гаргахаас айх

o   Нүдний булай болохоос айх

o   Нэр төрөө алдахаас айх

o   Мэдлэг чадваргүй гэгдэхээс айх

o   Хөсөр хаягдахаас айх

o   Гологдохоос айх

 Хардаа..

Бусад юу гэж бодохоос айх

Өөрийн хүсдэгээсээ өөрөөр харагдахаас айх

Бусдын хүлээдгээс өөрөөр  харагдахаас айх

Та харав уу?

2-р түвшиний айдас бодит байдалд гадаад нөхцөл байдалтай огт хамааралгүй болох нь харагдаж байна. Энэ айдас бол – таны оюун ухааны бүтээгдэхүүн. Тэдгээр нь таны   “дотор хүн” – “би” –гийн өөрийн тань энэ хорвоо ертөнцөд амьдрах, чадварын үнэлэмж, тусгал нь болж байна. 

Хэрэв,  жишээлбэл та зэмлэл ялаас (бусад хүмүүс юу гэж бодох бол, юу гэж хэлэх бол)  айж байгаа бол энэ айдас амьдралын бараг бүх салаа мөчирт тань нөлөөлж байдаг- үнэхээр тийм биз дээ?

Энэ айдас найз нөхөдтэйгөө харьцахад тань, хувийн дотно харьцаанд тань, ажил албаны харилцаа, хүрээлэн байгаа хүмүүсийн г.м.бүгдэд нь нөлөөлж байдаг. Та, таныг ямар нөхцөл байдалд байгаагаас үл хамааран буруу ойлгох болов уу гэж үргэлж айж явдаг.

Ийм учраас байнга л эргэн харж “хүмүүс юу гэх бол?” гэж бодон өөрийгөө бараг бүх зүйлд хязгаарлаж байдаг. Тэр ч байтугай, өөрийн хамгийн халдашгүй нандин эрх болох – хүсэл тэмүүлэлдээ хүртэл хязгаар тавьдаг. Үүнээс үүдэн  та хорвоо ертөнцөөс нүүрээ буруулж, зожиг хаагдмал болж, түүнийг муу, муухай  тэр ч бүү хэл аюултай гэж хүлээн авдаг болно.

Дахиад нэг 2-р түвшиний айдсын жагсаалтыг харъя л даа.

  • Тэр БҮХ шинж тэмдгүүд танд байгаа
  • Тэдгээр нь таны амьдралын салаа мөчир бүрт нөлөөлж байгааг мэдрэх болно.

Жагсаалтад өөр нэмэх зүйл огт байхгүй.

Зүгээр л тэр хуудсан дээрээ 2-р түвшиний айдсуудыг бичиж аваад – тэдний тус бүрийнх нь нүүр царайг нь сайтар цээжилж ав.

Практик алхмууд дээр та тэдгээртэй нэг бүрчлэн харьцаж,  тэднийг ялах ( ингэх шаардлагагүй) гэж оролдохгүй, харин тэднийг ухамсартайгаар удирдан, заналт дайсан биш, хамгийн найдвартай холбоотон болгон хувиргах болно. 

З-р түвшиний айдас

Эдгээр нь хамгийн гүн түвшинд байгаа айдсууд.

Энэ түвшиний айдас нь асуудлын хамгийн гүнд байгаа – хамгийн хүчтэй айдас юм. Чухамхүү тэр л таны гар хөлийг боймлож, чухам тэр нь таныг бүрэн дүүрэн амьдралаар аж төрөхөд тань саад болж, таныг байнгын хамгаалах байршилд байлгадаг.

Тэр хүчирхэг айдас бол:

Би ЧАДАХГҮЙ байх

 “Тэгээд юу гэж. Энд онцгой гойд юм юу байгаа юм бэ” гэж та хэлэх байх

За яахав, сүртэй эмгэнэлтэй бөгөөд сүрхий гойд зүйлийг хүлээж дараа нь гонсойгоод хэрэггүй.

Яагаад гэвэл:

Таны амьдралын  алхам тутамд таньд өргөн барьж байгаа гайхамшигтай боломж, учрал бүхнийг       “ үгүйсгэсэн”  “Би Чадахгүй байх” гэх айдсын тухай ярьж байгаа хэрэг.

За цааш нь явъя.

Одоо айдсуудын шалтгааны тухай

1/ Үр дүнгийн илэрхий бага үнэлгээ

Энэ юу болохыг та сайн мэдэж байгаа.

Бүх үйл хөдлөл “хийх хэрэгтэй, гэхдээ яагаад, ямар ашигтай нь ойлгомжгүй” гэсэн зэрэглэлд багтана. Тодорхой яривал, урьдчилсан төсөөлөл хэлбэрийн үр дүнтэй, тодорхой ойлголт өгдөг боловч, чухам юунд хэрэгтэй нь тодорхойгүй, энэ үр дүн онцгой таашаал баяр баясгалан авчирдаггүй. Бүр төлөвлөлтийн үед л энэ үйл хөдлөл “хийх хэрэгтэй” гэсэн ангилалд багтаж байдаг.

Таны амьдралд яагаад иймэрхүү ажил хэрэг давамгайлж байдгийг мэдэх үү?

Мэдээж хэрэг –таны өөрийн  БУС  ашиг сонирхолд хөтлөгдсөн , бусад хүмүүсийн ашиг сонирхол, ялангуяа ойр дотныхныхоо ашиг сонирхолд хөтлөгдсөн зорилго чиглэлтэй холбоотой.

Та гол төлөв бусдын ашиг сонирхлыг дээдэлж, өөрийн ашиг сонирхлыг илүүд үзэхийг –“хувиа хичээсэн” тэр ч байтугай “сэтгэлгүй зан гаргасан” хэмээн үзэж өөрөө өөртөө хориглож, байдаг.

………. Гэвч таны хувь хүний бүтцэд: таны сэтгэл гэсэн онцгой хэсэг бий. Та түүнийг хуурч чадахгүй. Та түүнд, өөрийн хувийн амьдралыг бусдын төлөө золиослох нь зөв бөгөөд ёс зүйтэй гэдгийг яагаад ятгаж ойлгуулж чадахгүй.

Таны сэтгэл– таныгаа – маш сайн мэддэг. Өөрийнхөө хүсэл зорилгыг биелүүлэх, хангах явдал  таны амьдралын үүрэг гэдгийг дэндүү сайн мэддэг..  Ийм учраас өөрийн ашиг сонирхлыг эс тоосноор та энгийнээр хэлвэл нүгэл үйлдэж байгаа хэрэг бөгөөд та өөрийн амьдралын үүргээ биелүүлэхээс (кармын гэрээнээс) татгалзаж буй хэрэг болно.

…….. Та үүнтэй маргаж болох юм. Тэгээд олон арван жишээ татаж, эсрэгээрээ: өөрийнхөө төлөө биш бусдын төлөө зүтгэхдээ их хичээл зүтгэл гаргаж, сэтгэл догдолж байдаг – ямар ч прокрастинаци үүсдэггүй гэх л байх.

Гэвч би танд сануулъя: прокрастинаци бол зальтай бөгөөд хорон санаатай невроз.Тэр заримдаа нүүр царайгаа маш сайн нууж чаддаг бөгөөд хөвөн зөөлөн үстэй хөх цэнхэр нүдтэй болж харагдана.

ТАНЫ ” БУСАД ЮУ ГЭЖ БОДОХ , БУСДАД ЯАЖ ХАРАГДАХ  ТУХАЙ АЙДАС” ТАНИАР ТЭР БҮХНИЙГ ХИЙЛГЭДЭГ. АЙДАС БОЛ ҮНЭНДЭЭ ХҮЧТЭЙ МОТИВАТОР ӨӨРӨӨР ХЭЛВЭЛ ХҮЧТЭЙ ЭНЕРГИ. УХАМСАРЛАЖ УДИРДВАЛ ГАЙХАЛТАЙ ҮР ДҮНД ХҮРДЭГ. ЭНЭХҮҮ ХҮЧТЭЙ ЭНЕРГИЙГ ӨӨРИЙНХӨӨ ХҮСЭЛ ЗОРИЛГО РУУ ЧИГЛҮҮЛЖ БОЛНО.

 Үнэндээ  бусдын ашиг сонирхолд нийцүүлэн өөрийн ашиг сонирхлыг золиослох нь буянтай сайн үйлс ч биш,  өгөөмөр сайхан сэтгэл ч биш ЗҮГЭЭР Л харин таны айдсуудын сэгсгэр бөмбөлөг л юм.

… Хэрэв та маргаанаа үргэлжлүүлмээр байгаа бол, миний үгэнд ороод өмнөх хуудаснуудаа –

 Дахиад нэг харж 2-р түвшиний айдсын жагсаалтыг хараад үз. Таны айдсууд л танаар өөрт тань бус бусдад таалагдах ажил үйлийг хийлгэж, авир үйлдлийг гаргуулдаг ш д…

Тэндээс та өөрийнхөө ашиг сонирхлыг огоорч бусдын эрхшээлд орох эмгэг хандлагатай болохоо маш тодорхой мэдэх болно.

Айдсын Шалтгаан тус бүрийг нэг бүрчлэн илчилж өмнөөс нь эгц харна. Та өөртэйгөө л зөвхөн энэ дасгалыг хийх учир ичиж нэрэлхэх хэрэггүй шүү…

 

ОНОШЛОГДОЛГҮЙ УЖИГАРДАГ НЕВРОЗУУД ЦУВРАЛ ХИЧЭЭЛИЙН ФРАГМЕНТ….