• Монгол хэл
  • English
  • Русский

 Нэвтрэх

Бүртгүүлэх

ДӨНГӨ ҮГНҮҮД

Онлайн зөвлөх үйлчилгээ

Зөвлөгөө

ДӨНГӨ ҮГНҮҮД ХӨЛ ТУШААД ЗОГСОХГҮЙ, ХУВЬ ТАВИЛАНГ ЗЭРЭМДЭГЛЭДЭГ.

Эксперт

Update and Upgrade project

Сэтгэл зүй, хувь хүний хөгжлийн хэсэг

0 $

x

x

x

ДӨНГӨ ҮГНҮҮД ХӨЛ ТУШААД ЗОГСОХГҮЙ, ХУВЬ ТАВИЛАНГ ЗЭРЭМДЭГЛЭДЭГ.

Бид дөнгө-үгнүүдийг хэрэглэснээр БУРХАНААС ЯМАР Ч БОЛЗОЛГҮЙГЭЭР бидэнд өгсөн  “АМЬДРАЛААС ХАМГИЙН САЙН САЙХНЫГ ХҮРТЭЖ БАЙХ ” эрх чөлөө, боломж нөөцдөө хориг тавьдаг.

Аз болоход дөнгө-үгс тийм ч их биш байдаг бөгөөд тэдгээрээс хэл

яриагаа чөлөөлөхөд онцгой их хүч чармайлт гаргах шаардлагагүй.

Зүгээр л дөнгө-үгсийн Гүрэн 4 үндсэн  «овог аймгаас»  бүрэлддэг гэдгийг мэдэж байхад л хангалттай. 

 «БИ ЧАДАХГҮЙ БАЙХ» – овог.

 Эдгээр үгс нь хүний өөртөө итгэлгүй байгааг илэрхийлнэ. Түүний цаана хүний чадал хэмжээ хязгаартай, дээр нь түүнд онцгойрч гялтаганах юм байхгүй, бусадтай адил «энгийн,жирийн» нэгэн гэсэн итгэл үнэмшил бат бөх оршдог.

 «Би чадахгүй байх» овогийнхон шууд утгаараа хүнийг ЯГ ОДОО байгаа байранд нь шар цавуугаар наагаад шалзан хадаасаар хадаж орхидог бөгөөд амьдаараа (хатуухан үнэн үг, шуудхан хэлсэндээ хүлцэл өчье) өмхийрч ялзрахад хүргэдэг.

 …Ингээд зогсдог бол ч яамай (эцсийн эцэст энэ бол чөлөөт сонголт), гэвч…эдгээр энгийн үгсийн энгийн даруу байдлын цаадах аймшигт хар мөрийг бид тэр болгон ухамсарлахГҮЙ өнгөрч, биднийг нүгэл хийхэд хүргэж байгааг ас анзаардаг.

Өөрөө өөртөө итгэхгүй эргэлзэж байна гэдэг нь бид хэтэрхий их зан гаргаж биднийг бий болгосон Бүтээгчээ үл ойшоож байгаагийн илэрхийлэл гэж орчуулагддаг.

 Өөрөөр хэлвэл: “Би бол өөрөө өөртөө эзэн, харин Бүтээгч та – мөн тэндээ л эзэн байдаг юм биз” (тэгээд ч би ямар байх нь танд хамаагүй), “хүн бүхэн асар их нөөц боломж, чадалтай төрдөг гэдэгт би итгэдэггүй” гэж шууд хэлсэнтэй эн тэнцүү.

ЧадахГҮЙ

МэдэхГҮЙ

БүтэхГҮЙ

БолохГҮЙ

Энэ миний хэр хэмжээнээс (хүч чадлаас)  хэтийдсэн ажил байна.

Амлаж чадахГҮЙ

Надаас хамаарахГҮЙ

Би өөртөө ийм хариуцлага үүрэхГҮЙ

Та хар даа. Эдгээр үгнүүдийн цаана нуугдахад эвтэйхэн байдаг бөгөөд ингэснээрээ – өөрийгөө дайчлан, өгөгдсөн нөөц боломжуудаа ашиглаж хүмүүн заяанд төрсний хэргээ гаргахаас шулуухан татгалзлаа гэсэн үг.

«БИ ЧАДАХГҮЙ БАЙХ» – овогийн хамгийн хорлонтой үг бол – урин дулаан, хөвсгөр зөөлөн  “ хичээе “ гэдэг үг юм.

 Энэ үгнээс үр дүн амлаад ч байгаа юм шиг хуурамч багийг нь хуулж аваад үнэн нүүр рүү нь эгц харах юм бол  БИ өөртөө итгэхгүй байна гэсэн шууд утгыг илэрхийлдэг.  

  « ОДООХОНДОО яахийм бэ = НАДАД ХҮНДЭДНЭ » овог

 Гадаад харагдах төрх байдлаараа энэ овгийнхон «Би чадахгүй байх» овогтой харьцуулахад нэн чухал, өөр үүрэг гүйцэтгэдэг.

 «Надад хүндэднэ» овогийн дөнгийг хэрэглэгчидид нэг газраа байгаад байдаггүй, үнэн сэтгэлээсээ хөгжиж дэвжихийг хүсэж, зүтгэдэг. Чухам эдгээр нэр төртэй ухаантай хүмүүсийн  нуруун дээр нийгэм тэр аяараа тогтдог. Хамгийн гайхалтай нь тэд ажлын морь мэт  нуруун дээрээ хамгийг унуулаад зүтгэдэг атлаа дээрээ суугсдыг тэдэнтэй заргалдах, элдэв шүүмжлэл, гомдол өрнүүлэхийг  – байх ёстой хэвийн үзэгдэл хэмээн үздэг. 

 …Тэгээд «Надад хүндэднэ» овогийн дөнгөтнүүд өөрсдөдөө тохирсон гавьяа шагнал авах, эрх ямба эдлэхээс ичиж хойш сууснаар эдлэх ёстой буяныг “болоогүйчүүдэд“ завшуулан, шударгаар авах өгөх балансад саад болсон хэмээх НҮГЭЛ нэгийг нэмж орхино өөртөө.

 Та, «Надад хүндэднэ» овгийн дөнгө үгсийг сайтар ажиглаад учрыг нь ойлгох болно. Эдгээр нь:

  • Цаг нь арай болоогүй байна 
  • Хүсэлгүй яахав, гэхдээ… 
  • Аль хүсэхийг тэр гэхэв дээ! 
  • Хүсэх ч хортой зүйл биш л дээ 
  • Харж байгаад болъё
  • За яахав дараа л болъё
  • Болох байлгүй дээ тэгж байгаад
  • Өөрөө л мэддээ
  • Яршиг төвөг, тэртэй тэргүй хийх ёстойгоо хийгээд явж байхад болоод л байгаа юм чинь

Тэгээд бас дараах «сонгодог бүтээлүүдэд» нь анхаарлаа хандуул даа.- эдгээр нь хэл ярианд маш хялбархан орж ирж байдаг тул тэднийг нууж хаахын ч хэрэг гарахгүй байна:

Би үүнийг өөртөө зөвшөөрч чадахгүй нь ээ.

Миний гавъяа гэж юу байхав дээ

Энэ  арай хэтэрнээ!

Эвгүй юм биш үү

(«Би ингэж чадахгүй нээ» гэсэн үг мэдээж хэрэг зөвхөн өөрийнхөө үйл ажиллагааг хязгаарлах агуулгатай хэрэглэгдэж байгаа үедээ л чөдөр үг болно.

 «…ТЭГЭХГҮЙ БОЛ ИНГЭХГҮЙ БОЛОХГҮЙ….» овог

 Өө, энэ бол бидний хамгийн их хэлэх дуртай үгнүүд шүү дээ! 

Тэдгээрийн давтагдах давтамжийг нь ажиглавал бид энэ үгэнд дуртай төдийгүй жинхэнэ шүтэн биширдэг нь харагдана. Эдгээр нь:

Хийхгүй бол болохгүй нь 

Хийх хэрэгтэй

( хэрэгцээний контекст биш харин «ёстой» гэсэн утгаар)  

Шаардлагатай

Асуудал / Проблем/

(«Асуудалтай»гэсэн үгэнд анхаарлаа хандуулаарай. Маш их хортой, зальтай үг шүү, тэгээд ч тэр гайхалтай сайхан далдлагдаж чадсан байдаг: 

Тэрээр өнгөцхөн харахад –  асуудлуудыг илэрхийлээГҮЙ  юм шиг боловч, үнэндээ тэдгээрийг үүсгэж  байдаг.) 

 Өдөрт бид энэ овгийн дөнгөнүүдийг хэдэн удаа (өөрсдийнхөө хүрээллийг оролцуулаад)  хөл гартаа зүүж байдаг гэж санана..

 Тэгээд хамгийн сонирхолтой нь: Бид эдгээр дөнгө үгнүүдтэйгээ ижил дасал болчихоод, хэн нэгний өмнө хүлээх ёстой үүрэг хариуцлагатай огт холбоогүй, ажил амьдралынхаа эгэл жирийн эрэлт хэрэгцээний тухай хүүрнэн ЯРИЛЦАХДАА хүртэл эдгээр үгсээ хэрэглээд дадчихаж.

Тэгэх хэрэгтэй, ингэхгүй бол болохгүй, ингэх шаардлагатай, ийм, тийм  асуудал гэсэн үгсийн завсар зайгаар баяр баясгалангийн авиа энерги багтдаггүй бөгөөд давтамжийн хэт их ялгаанаас болоод тэдгээртэй ойр орших боломжгүй байдаг байна

 «БОЛОМЖГҮЙ»  овог

 Эдгээр үгсийг ямар ч хэтрүүлэггүйгээр “зандалчид” гэж нэрлэдэг. Учир нь тэд хүсэл мөрөөдлийн маань хүчилтөрөгчийг хааж амьсгалыг нь боодог гамшигтай үгс.

…Аз болоход «хүсэл мөрөөдөл » гэдэг үгийг хэлэх, (мөн түүнтэй холбоотой санаа бодлуудыг дэвшүүлэн гаргахад)  хүмүүс жуумалзан (бодит байдлаас хэтэрхий хол хэмээн) ханддаг үе улиран холдсоор байна.

 Одоо бол хэнийг ч ятгах хэрэг гарахгүй, бид хүсэгчид, мөрөөдөгчдийнхөө ачаар л цахилгаан, утас, компьютер, зурагт, радио, интернет, нисэх онгоц, машинууд … бидэнд байгаа тансаглалд умбаж сууна. 

Тэдгээр хүсэгчид мөрөөдөгчдийн амьдрал бүтээлээр дамжуулан ертөнц бидэнд “ бүх зүйлс биелэх боломжтой” гэдгийг харуулж, сануулж байгаа хэрэг юм шүү дээ.

Бидний дотоодод төрж ухамсарт анзаарагдсан ХҮСЭЛ бүхэн биелэх, бүтэх, чадах зүйлийг тань шууд зааж өгч байгаа явдал бөгөөд БОДОЛ – ХҮСЭЛ-ЗОРИЛГО бүхэн бодит зүйл, үйл явдал болох хүчирхэг потенциальтай байдаг. Харин тэрхүү ПОТЕНЦИАЛЫГ үр хөврөл байхад нь аборт хийж орхидог ….. хүчин зүйлсийн нэг хэсгийг ДӨНГӨ ҮГС гэх нэртэйгээр танилцууллаа.

Болохгүй

Магадлал маш бага

Хэзээ ч

Яагаад ч

Байж болохгүй зүйл

Гэтэл гэнэт…

Тэгвэл… ингэвэл яанаа

Гэнэт ингэвэл яанаа…

Үүнийг СААД БЭРХШЭЭЛИЙН САНААТАЙ ТӨЛӨВЛӨЛТ гэдэг. Энэ өгүүлбэр бидний юунд тэмүүлж байгааг  зогсоогоод зогсохГҮЙ, юунд ч тэмүүлэхГҮЙ болох хамгийн найдвартай арга болдог.

 Гэтэл гэнэт

Битгий л тэгчихээсэй

Нэмэргүй дээ

Хамгийн найдвартай нам дуусгах үг бол:

Өөр сонголт байхгүй ш д

…Ингээд би цааш нь тайлбарлахаа болъё – тэгэх ч хэрэггүй.

ХАРИН БИ ТАНД НЭГ ЧУХАЛ ЗҮЙЛ ХЭЛЬЕ:

Дөнгөж сая та сүйтгэх чадвартай олон программаас салж ангижрах,  маш сайн үйлчилгээ үзүүлдэг, үр дүн сайтай эмчилгээ хийлгэлээ.

Тэгээд ч би танд эмч нарын байнга хэлэх дуртай:

«За хонгор минь, одоо бүх юм чинь их сайн болсон. 

Бусад нь зөвхөн чамаас л шалтгаална даа» гэдгийг л хэлэх байна даа.

Харин энэ эмчилгээ замхран арилж, алга болохгүйгээр танд үр өгөөжөө байнга өгч байхын тулд танд нэг Маш их Үр дүн сайтай аргыг санал болгож байна:

Энэ бол

«Шийтгэлийн шон» хэмээх арга 

Энэ арга маш энгийн.

1  Энэ өгүүллэгт байгаа бүх дөнгө-үгнүүдийг хуулж аваарай;

2  Энэ жагсаалтдаа «Хар жагсаалт»гэдэг нэр өгөөрэй;

3  Энэ жагсаалтаа нүдэнд байнга тусаж байх газар байрлуулаарай


(жишээлбэл хөргөгч дээрээ – өрх гэрийн тань хамгийн их тохиромжтой газар);

Тэгээд тэндээ 7-10 хоног хадаатай эсвэл наалттай байлгаарай


 Үүнээс илүү их хоног байлгах хэрэггүй – тэднийг хэтэрхий их хүндэлсэн хэрэг болно энэ нэгдүгээрт, хоёрдугаарт энэ хугацаанд таны ухамсарт таны хэл ярианаас оргүй алга болгох зорилготой хар жагсаалтын үг өгүүлбэрүүд бүрэлдэн тогтсон байна.

Хар жагсаалт – бол  сүйтгэгч программуудын бүх элементүүдийг хэл ярианаас тань цэвэрлэдэг болгодог маш сайн цэвэрлэгчийн үүрэг гүйцэтгэнэ. Шалгаад үзэхэд гэмгүй шүү.

Тайлбар.

Би «Шийтгэлийн шон» – н бэлэн жагсаалтыг энд санаатайгаар огт өгсөнгүй. Та тэдгээр жагсаалтыг энэ өгүүллэгээс түүн авч өөрийн гараар бичиж аваарай. Туршлагаас ажиглахад бэлэн жагсаалт төдийлөн сайн үр дүн харуулахгүй байгаа нь мэдрэгддэг. Энэ ч аргагүй, бидний логикийн цээна байдаг өөр нэг чухал бүтэц унтаад ажиллаагүй хэрэг л дээ.

Харин би тантай дахин уулзана. Чемодандаа Жигүүр үгс бас бусад хэрэгтэй мэдлэг дадлага гээд эрэлт хэрэгцээг тань хангах юм нэлээд байгаа.

” Би-ГАРАГ ” ХУВЬ ХҮНИЙ ХӨГЖИЛ, СЭТГЭЛ ЗҮЙН ХОСОЛСОН ЦОГЦ СУРГАЛТЫН  ” МЕНТАЛ ИМПЛАНТ ” ХЭСГИЙН ФРАГМЕНТ….

Хүний Их Эмч, Сэтгэл Зүйч Д.Болортуяа